Heimsyfirráð eða blús!

Jostein Forsberg forsprakki Notodden blúshátíðarinnar í Noregi, sem er ein stærsta blúshátíð hérna megin Atlantsála, var á tónleikum Blue Ice Bandsins og Zoru Young í Árósum í gærkvöldi.  Það tókust kærleikar með honum og blúsfólkinu okkar.  Ólyginn sagði Blúsblogginu að Dóri Braga og Jostein hefðu gengið í blúsbræðralag, og hefðu rætt heimsveldisdrauma blússins á Norðurlöndunum.  En það var eitthvað með þennan mann.  Hann varð svo hugfanginn af bílstjóra blúsfólksins okkar, að bílstjórinn rataði ekki til baka á hótelið eftir tónleikana. Eða var það ekki annars?  

Athugasemdir

[Eyjólfur Ármannsson (IP-tala skráð) 9.4.2007 kl. 14:27]

Ég þakka fyrir frábæra hátíð í Reykjavik og ekki er það verra að þið hittuð söngvarann, munnhörpuleikarann og blúsfrömuðinn Jostein Forsberg. Ekki veit ég hvort hann nær að koma ykkur inn á 20 ára afmæli Notodden Bluesfestival 2.- 5. ágúst enda verður endanlega dagskrá trúlega kynnt á næstu dögum, en það er löngu kominn tími til að íslenskt band spili á þessari frábæru hátíð þar sem heilt bæjarfélag er lagt undir blús.

Notodden Blues Festival http://www.bluesfest.no/

Kveðja

Eyjólfur