Fríkirkjan

Sálmar - er yfirskriftin á lokatónleikum Blúshátíðar - og núna voru það bæði íslenskir sálmar, gospel og fleira.  Andrea Gylfadóttir og Ellen Kristjánsdóttir sungu uppáhaldssálmana sína  Þetta var óskaplega fallegt. Tena Palmer söng líka sveitasálm og svo kom  KK og söng lögin sín - og fékk frænkur sínar þrjár  til að syngja Ú.  Ellen söng með dætrum sínum .  Þær voru yndislegar.  Bjössi Thor lék eitt lítið lag - gott uppbrot í sönginn.  Deitra Farr var stórkostleg - og hreif salinn með sér í söng og klapp.  Hljómsveit kvöldsins var Riot að Dóra Braga undanskildum, og með nýjum píanóleikara, Eyþóri Gunnarssyni sem kom í staðinn fyrir Jón Ólafsson. Aðrir í bandinu Bjössi Thor, Jón Rafnsson og Ásgeir Óskarsson. Tónleikunum lauk í einhverslags gospelorgíu, þar sem allir flytjendur kvöldsins sungu This Little Light of Mine. Halldór Bragason þakkaði gestum komuna á Blúshátíð, kvaddi og sleit hátíðinni. 

Athugasemdir

[Guðni Már Henningsson, 20.4.2008 kl. 15:12]

Þó seint sé, langar mig að þakka fyrir stórkostlega blúshátíð. Frábærir tónleikar hvert einasta kvöld og þið sem misstuð af þessu.. verið tilbúin eftir ár!!!!