Blúshátíðarmatseðill á Nordica NAMM!

VOX restaurant

Humar
Kálfur
Skyr
Kr. 7500


Vox bistro

Reykýsu súpa 
Lambakótelettur
Kr. 3900

Bara einn einasti - já, bara hann aleinn......

Það er  E I N N   blúsmiði eftir, bara einn.  Þeir seldust upp í síðustu viku, en einn kom inn til baka.  Nú er það spurningin hver nær honum.

Magic Slim lagður af stað til Íslands, áttu miða?

Kemur í fyrramálið. Undibúningur gengur vel allt klárt!

 Hvetjið sem flesta að skella sér á Blúshátíð í Reykjavík !!!!!! miðum fer mjög fækkandi

www.blues.is      

Svakalega flott Magga

Blúshátíð í Reykjavík tók forskot á sæluna í dag, þegar viðskiptavinum Sævars Karls var boðið upp á lifandi tónlistarflutning í versluninni í Bankastræti.  Ungliðinn Margrét Guðrúnardóttir reið á vaðið og sýndi hvað í henni býr, en hún opnar hátíðina á þriðjudaginn.  Með henni voru Bjöggi Gísla, Dóri Braga og Róbert Þórhallsson.  Svakalega var stelpan flott með eintómt frumsamið efni - alveg feiknagott.  Það er ekkert launungamál að þarna er gott efni í flottan músíkant.

 

 

 

Þá var díva númer eitt kölluð upp og Andrea Gylfadóttir tryllti upp gæsahúðina í Stormy Monday með strákunum. Er maður að hlakka til Blúshátíðar - eða ekki.  Þetta var bara geggj...  ekkert annað.

Þá tóku strákarnir syrpu sem endaði í Albatrossinum hans Peters Green.

Góður laugardagur, góður upptaktur að Blúshátíð, nú manni farið að hitna aðeins. 

You gotta feeel the blues, man!

Þið eruð vonandi öll búin að lesa frábæra viðtalsgrein Arnars Eggerts Thoroddsens við Magic Slim í Lesbók Morgunblaðsin í dag. Ef ekki - drífið ykkur, þetta er hreinasti skemmtilestur.

Blúshátíð hefst á þriðjudag

Blúshátíð í Reykjavík 2008 hefst á þriðjudag.  Hátíðin fagnar nú fimm ára afmæli sínu. Opnunarhátíð verður á Hilton Reykjavík Nordica kl. 17.  Við það tækifæri verður mikið um dýrðir, því þá verður tilkynnt hver hefur orðið fyrir valinu sem heiðursfélagi Blúsfélags Reykjavíkur í ár, en almenningur og félagar í Blúsfélaginu hafa á undanförnum vikum sent inn tillögur að því hver heiðurinn skuli hljóta.  Heiðursfélaginn verður leystur út með gjöfum og góðum kveðjum. Fyrri heiðursfélagar Blúsfélagsins eru Magnús Eiríksson, Björgvin Gíslason, Andrea Gylfadóttir og KK.   Í ár er spennan mikil, því sjaldan hefur verið jafn óvíst um hver þennan heiður hlýtur.

Deitra Farr og Borgardætur | Það er tilhlökkunarefni að vita af yndislegri stund í Fríkirkjunni í Reykjavík á föstudaginn langa kl 20 með Borgardætrum sem sýna á sér nýja hlið, Deitru Farr ,Tenu Palmer og Riot bandinu. Þeir sem ekki hafa komið áður í kirkjuna vita ekki hverju þeir hafa misst af undanfarin ár.

Upplýst að enginn aðgangseyrir verður að klúbbi Blúshátíðar á Rúbín

Hvetjið sem flesta að skella sér á Blúshátíð í Reykjavík og látið vita af hinni frábæru dagskrá hátíðarinnar. Blúshátíð í Reykjavík hefur aldrei fyrr boðið upp á jafn glæsilega og fjölbreytta dagskrá og nú. Enn er að bætast við atriði á hátíðina.  Við getum upplýst að enginn aðgangseyrir verður að  Klúbbi Blúshátíðar á Rúbín sem opnar eftir stórtónleikana á Hilton Reykjavik Nordica eða um kl 22 hátíðadagana. Það má þakka velunnurum og samstarfsaðilum Blúshátíðar í Reykjavík.  

Blúshátíð í Reykjavík 18. - 21. mars 2008

kynnið ykkur ítarlega dagskrá:

 www.blues.is

Kaupa miða

Leyndarmálið hefur lekið út - Hver er pabbi?

Stuðmannabörnin taka flugið

Margrét syngur á opnunartónleikum Blúshátíðar Reykjavíkur 18. mars næstkomandi. fréttablaðið/stefán

Afkvæmi Stuðmanna stíga nú fram í sviðsljósið hvert á fætur öðru. Fyrst voru það synir Egils Ólafssonar, leikarinn Ólafur og dansarinn Gunnlaugur, svo var það söngkonan Elísabet, dóttir Eyþórs Gunnarssonar, og á eftir henni fylgdi önnur söngkona, Bryndís, dóttir Jakobs Frímanns Magnússonar og Ragnhildar Gísladóttur.

Nú er röðin komin að Margréti Guðrúnardóttur, dóttur trommarans Ásgeirs Óskarssonar, sem syngur á opnunarkvöldi Blúshátíðar Reykjavíkur 18. mars á Hilton-hótelinu. Margrét stígur þar á svið ásamt föður sínum, Björgvini Gíslasyni og Stuðmanninum Tómasi Tómassyni. Hljómsveitin nefnist „Margrét Guðrúnardóttir og bandið hans pabba" og kemur þarna fram í fyrsta sinn opinberlega. „Þetta er frábært tækifæri og þeir voru allir til í að vera með mér," segir Margrét og hefur lítið yfir karli föður sínum að kvarta. „Það er mjög fínt að vinna með pabba. Okkur kemur vel saman og hann leyfir mér að gera þetta á minn hátt. Ég hef líka sungið fyrir hann í sólóverkefni hans áður."

Margrét segir það ekkert trufla sinn feril þótt hún sé dóttir Stuðmanns. „Annars væri ég varla að spila með honum. Mér fannst þetta bara frekar fyndið og þess vegna kölluðum við okkur þessu nafni. Fólk veit alveg að ég er dóttir hans og fínt að hafa það opinbert enda hefur það bara hjálpað mér frekar en hitt."

Margrét segist vera góð vinkona Bryndísar Jakobsdóttur og þær séu meira að segja saman í tónlistarnámi í FÍH. „Það er ótrúlega gaman hvað henni gengur vel," segir hún og neitar að þær eigi í samkeppni hvor við aðra. „Við erum frekar bara duglegar að biðja hvor aðra um hreinskilið álit og svona."

Gaman verður að sjá hvernig Margrét á eftir að spjara sig í framtíðinni en ef hæfileikar hennar eru eitthvað í líkingu við þá sem hin Stuðmannabörnin búa yfir á hún varla eftir að valda neinum vonbrigðum

www.myspace.com/margretgudrunar

Hann er nánast „áskrifandi“ að tilnefningum!

 Enginn ætti að missa af tónleikunum með Magic Slim 

„ÞESSI maður er algjört sjarmatröll og amerísk þjóðargersemi,“ segir Halldór Bragason listrænn stjórnandi Blúshátíðar í Reykjavík um Magic Slim sem verður gestur hátíðarinnar sem fram fer dagana 18.-21. mars. Þessi heimsþekkti blúsmaður kemur hingað frá Chicago með hljómsveit sína, The Teardrops. Að sögn Halldórs verða tónleikar Magic Slim á Hotel Hilton Nordica á opnunarkvöldi hátíðarinnar, 18. mars, en fjöldi annarra tónleika verður á hátíðinni sem nú fagnar fimm ára afmæli sínu.

Hann er nánast „áskrifandi“ að tilnefningum til W.C Handy-blúsverðlaunanna sem eru þau stærstu og virtustu í blúsheiminum. Sem dæmi má nefna að árið 2003 voru Magic Slim og The Teardrops kosnir Blúsband ársins, og Magic Slim var á því tilnefndur til sömu verðlauna í fimm flokkum: Besti blússkemmtikraftur ársins, Besta blúsband ársins (verðlaunin sem hann hlaut), Besti gítarleikari ársins, Besta þjóðlega blúsplata ársins og Besti þjóðlegi blúslistamaður ársins.

Magic Slim og hljómsveitin hans hafa verið tilnefnd sem besta hljómsveit ársins síðan þetta var árið 2004, 2005, 2006 og 2007, og oft í fleiri flokkum líka.

af mbl.is

Ítarleg dagskrá hér

Kaupa miða

Flott að gista á Hilton Nordica á Blúshátíð

.....ég ætlaði nú ekki að gleyma þessu:

Hilton Reykjavík Nordica, býður öllum gestum Blúshátíðar í Reykjavík tilboð á gistingu 17.-22.mars. Nánari upplýsingar, verð og bókanir í síma 444 4000 eða með tölvupósti [e-mail]

Borðapantanir á Blúshátíð í Reykjavík
Veitingahúsið VOX á Hilton Reykjavík Nordica ætlar að bjóða uppá sérstakan matseðil í tilefni Blúshátiðar. Matargestir VOX fá frátekin borð á tónleikunum kl 20 um kvöldið.