Skelltu þér til Reykjavíkur á Blúshátíð um páskana

Miðasala á www.midi.is Upplýsingar um Blúshátíðina er að finna á www.blues.is Páskatilboðin á www.flugfelag.is eru bókanleg til 15. mars

 

Heiðursfélagi Blúsfélags Reykjavíkur

Jæja, nú styttist í hátíð.   Tæpur hálfur mánuður, rúm vika, eftir því hvernig litið er á.  En hvernig er þetta með heiðursfélagann?  Hafið þið eitthvað pælt í því hver verður valinn Heiðursfélagi Blúsfélags Reykjavíkur?  Það verður alla vega ekki Halldór Bragason, hann hefur lýst sig vanhæfan.  Blúsbloggið grunar að hann hafi samt fengið slatta af tilnefningum.  Jæja, ef við útilokum Dóra, og þá sem áður hafa verið valdir, sem eru Maggi Eiríks, Bjöggi Gísla, Andrea og KK, þá er nú samt hálfur annar hellingur af blúsfólki eftir.  Ekki gleyma að kjósa á blues.is, en svo má líka viðra alls konar hugmyndir og jafnvel samsæriskenningar á blúsblogginu.

Hægt er að sækja veggspjald Blúshátíðar í Reykjavík

plakat hér

Við látum fylga með plakat Blúshátíðar í Reykjavík 2008 að ósk margra félaga sem ætla að prenta það út , hengja upp á kaffistofum og þar sem það á við . Hvetjið vini,vandamenn og vinnufélaga að skella sér á Blúshátíð og látið sem flesta vita af hinni frábæru dagskrá hátíðarinnar og smitum þá af blús.

Magic Slim | Það þarf ekki að fjölyrða um það að koma Magic Slim and The Teardrops á Blúshátíð í Reykjavík er einn af hápunktum hátíðarinnar frá upphafi og um leið stórviðburður í sögu blústónlistarinnar á Íslandi. Margir muna eftir Ronnie Baker Brooks í fyrra, en það er ólýsanlegt að sjá alvöru Chicago blúsband á sviði. Magic Slim sjálfur er einn af lifandi goðsögnum Chicago-blúsins. Magic Slim er með þjár Blues Music Awards tilnefningar í ár með hljómsveit ársins, blúsmaður ársins og plata ársins. 

 

The Yardbirds | Enginn ætti að láta Yardbirds fram hjá sér fara . Yardbirds voru teknir inn í höll frægðarinnar 1992 og eru stórmerkileg skapandi sveit. Mörg af fyrstu lögum Led Zeppelin voru samin í The Yardbirds .Bandið í dag er frábært og fengur fyrir okkur að fá þá á Blúshátíð. 

Svo fögnum við öll saman 5 ára afmæli Blúshátíðar á skírdag með Deitru Farr og öllum heiðursfélögum félagsins okkar ásamt Bergþóri Smára, Tenu Palmer og fl., .

Deitra Farr og Borgardætur | Það er tilhlökkunarefni að vita af yndislegri stund í Fríkirkjunni í Reykjavík á föstudaginn langa með Borgardætrum sem sýna á sér nýja hlið, Deitru Farrr ,Tenu Palmer og Riot bandinu. Þeir sem ekki hafa komið áður í kirkjuna vita ekki hverju þeir hafa misst af undanfarin ár.

 

 

Ný skoðanakönnun hér til hægri

Ýtarleg dagskrá hér

Kaupa miða

Enn að bætast við atriði á Blúshátíð í Reykjavík

BLÚSHÁTÍÐ Í REYKJAVÍK 2008

Hilton Reykjavík Nordica, býður öllum gestum Blueshátíðar 2008 tilboð á gistingu 17.-22.mars. Nánari upplýsingar, verð og bókanir í síma 444 4000 eða með tölvupósti [e-mail]

Borðapantanir á Blúshátíð í Reykjavík

Veitingahúsið VOX á Hótel Nordica ætlar að bjóða uppá sérstakan matseðil í tilefni Blúshátiðar

Borðapantanir Reservations [e-mail] [e-mail] Sími: 444-5050 Tel: [phone]

Matargestir VOX fá frátekin borð á tónleikunum kl 20 um kvöldið.

Blúshátíð í Reykjavík 2008 18. – 21. mars

Margt um að vera á Blúshátíð . Tónleikar verða á Hilton Reykjavik Nordica hóteli þriðjudags, miðvikudags og fimmtudagskvöld kl. 20 og sálmatónleikar í Fríkirkjunni í Reykjavík að kvöldi föstudagsins langa, en öll kvöldin nema á föstudagskvöld verður starfræktur klúbbur Blúshátíðar á Rúbín og hefst dagskrá þar að stórtónleikum loknum, eða um kl. 22. Að vanda á Blúshátíð í Reykjavík samstarf við Blúsfélag Reykjavíkur að heiðra blúslistamann, en í fyrra hlaut KK þann heiður.

Fréttir á www.blues.is miðasala www.midi.is

netfang BLÚSHÁTÍÐ Í REYKJAVÍK bluesfest (hja) blues.is

Miðarnir renna út eins og lummurnar hennar ömmu, tryggið ykkur miða.

kaupa miða

 

Magic Slim er einn af lifandi goðsögnum Chicagoblúsins, með djúpar rætur í suðrinu. Hann fæddist í Mississippi 1937, lærði á píanó, en varð að hætta þegar hann missti fingur við bómullartínslu, barn að aldri. Þá sneri hann sér að gítarnum og fór að spila blús. Um tvítugt fetaði hann í fótspor margra fátækra suðurríkjamanna og fór til Chicago. Hann reyndi að koma sér á framfæri í blúsborginni nýju, en þótti ekki nógu góður. Hann fór aftur suður, staðráðinn í að finna sinn eigin tón í rótum tónlistarinnar. Tíu árum síðar, árið 1965 sneri hann aftur til Chicago með hljómsveit sína, The Teardrops, og nú voru mótttökurnar allt aðrar og betri. Magic Slim and The Teardrops urðu á fáum árum eitt af heitustu böndunum í blúsnum, og gáfu út hverja plötuna á fætur annarri. Þegar annar gítarleikari bandsins, John Primer hætti til að gefa sig að eigin sólóferli, spáðu ýmsir því að dagar Magic Slims og Teardrops væru á enda, því sándið í bandinu myndi ekki jafna sig eftir brotthvarf Primers. Raunin varð önnur og margar bestu plötur þeirra hafa komið út síðasta áratuginn. Það þarf ekki að fjölyrða um það að koma Magic Slim and the Teardrops á Blúshátíð í Reykjavík er einn af hápunktum hátíðarinnar frá upphafi og um leið stórviðburður í sögu blústónlistarinnar á Íslandi.www.magicslimblues.com

Magic Slim er með þjár Blues Music Awards tilnefningar í ár með hljómsveit ársins, besti blúsmaður ársins og besta plata ársins.

Traditional Blues Male Artist of the Year
Bob Margolin
Hubert Sumlin
Lurrie Bell
Magic Slim
Nappy Brown
Phillip Walker

Historical Album of the Year
Blind Pig - The Essential Magic Slim - Magic Slim
Blue Witch - House Rockin' and Blues Shoutin' - Various Artists
Delmark - Kidney Stew Is Fine - Eddie "Cleanhead" Vinson
Delmark - Steady Rollin' Man - Robert Jr. Lockwood
Epic/Legacy - Breakin' It Up & Breakin' It Down - Muddy Waters, Johnny
Winter, James Cotton

Band of the Year
Lil' Ed & the Blues Imperials
Magic Slim & the Teardrops
Mannish Boys
Nick Moss & the Flip Tops Another great Chicago band!
Watermelon Slim & the Workers

In 2003 Magic Slim and the Teardrops were officially recognized as the finest blues band in the land when they won the coveted W.C. Handy Award as "Blues Band Of The Year." It was the sixth time Slim has won a Handy Award, considered the highest honor in the blues field.

2008 Blues Music Awards given by the Blues Foundation . Here's the list of nominations.

The Yardbirds

Hún er vagga ensku blúsbylgjunnar og gat af sér snillingana Eric Clapton, Jeff Beck og Jimmy Page, hljómsveitin Yardbirds er loks á leiðinni til Íslands og spilar á Blúshátíð í Reykjavík. Það er rétt að það má vissulega kalla Yardbirds vöggu ensku blúsbylgjunnar, en á sama tíma var bandið ein af fyrstu súpergrúppum rokksins, með því að vera ein mikilvægasta rannsóknarstofa síns tíma fyrir tilraunir með sérkenni og samruna blústónlistar, R&B og rokks. Niðurstöður gítarsnillinganna áðurnefndu úr þeim rannsóknum áttu eftir að gjörbreyta hugmyndum fólks um gítarinn og hlutverk hans í tónlistinni. Hljóðveröld gítarsins sá nýjar víddir, og nýjir möguleikar gítarleikaranna til þess að sýna virtúósíska takta breyttu ímynd gítarleikarans fyrir lífstíð.

The Yardbirds byrjuðu að spila saman upp úr 1960 undir hafninu Metropolis Blues Quartet í úthverfum Lundúna og voru fljótir að skapa sér nafn. Um tíma, eftir að Eric Clapton hætti í hljómsveitinni, voru þeir Jeff Beck og Jimmy Page báðir gítarleikarar hljómsveitarinnar. Örar mannabreytingar og ágreiningur um það hvert skyldi stefna í tónlistinni varð þó á endanum banabiti garðfuglanna, árið 1968. Árið 2003 var bandið lífgað við – með nýjum gítarleikara, platan Birdland kom út, og nú túra þeir heiminn og sýna veröldinni hvað það var sem gerði Yardbirds stórkostlega grúppu.www.theyardbirds.com

 

Drottning Chicago blúsins Deitra Farr

Ein af bestu vinkonum íslenska blússins, Chicago dívan Deitra Farr , kemur líka á Blúshátíð í Reykjavík í vor. Deitra hefur oft komið til Íslands, síðast á Blúshátíð í Reykjavík 2006, og á Djasshátíð á Egilsstöðum í sumar þar sem hún söng með hljómsveitinni Riot og James Carter saxófónleikara. Deitra kom fyrst fram Djasshátíðinni fyrir austan árið 1992. Jón Hilmar Kárason framkvæmdasjóri hátíðarinnar sagði í Moggaviðtali fyrir tónleikana í fyrra, að þegar hún kom fyrst austur hefði Deitra verið “alveg mögnuð”. Eftir tónleika hennar og Vina Dóra á Blúshátíð í Reykjavík 2005 skrifaði Vernharður Linnet meðal annars: “Lágvaxin og hnellin steig Deitra á svið eftir að Dóri og Gummi höfðu hellt úr tilfinningaskjólum Mississippidelta-blússins yfir okkur og hægasta tempóið hjá henni var medíum. Hún hefur fína blúsrödd, sterka og grófa einsog Bessie og allar Smith-stelpurnar. Deitra hreif mig mest þegar hún söng í klassískum blússtíl eins og Je me souviens og Black nights þar sem hún og Dóri fóru á kostum, bæði með hatta á höfði horfðust þau í augu meðan Dóri þandi gítarinn í ekta Chicago-blússóló og kyssti Deitru svo við dúndrandi gítartrillur.” Deitra Farr hefur hlotið fjölda verðlauna og komið fram á blúshátíðum um allan heim. Hún kom hingað til lands árið 1992 og  fór í tónleikaferð með Vinum Dóra og hljóðritaði með þeim lög á diskinn " Mér líður vel" sem er ófáanlegur. Þá var hún ung og efnileg en nú er hún orðin ein af bestu blússöngkonum heims.

Á tónleikum 2005 á föstudaginn langa söng Deitra Farr nokkra þekkta sálma upp úr sálmabók afa síns sem hún hafði tekið með sér að heiman og hreif áhorfendur með sér bæði í rólega íhugun og banastuð þegar hún söng sálminn “This little light of mine” þannig að allir kirkjugestir voru farnir að klappa með. . Ekki verður um villst hvernig negrasálmar og blús eru tengd órjúfanlegum böndum og úr varð í kirkjunni upplifun sem verður lengi í minnum höfð þar sem tónlistin réði ríkjum en tilefni dagsins og alvara voru þó aldrei langt undan . www.deitrafarr.com

Magnús Eiríksson er ekta. Tónlistarmaður sem býr til tónlist eins og hún gerist best, fullkomlega einlæg, alveg hrein og bein. Magnús stofnaði blúskompaníð sitt áður en sögur hófust .Maggi Eiríks var fyrsti heiðurfélagi Blúsfélags Reykjavíkur

Magnús hefur í ofanálag verið í einstaklega góðu formi síðustu árin þar sem hann hefur einkum samið og sungið með KK .

Blúsmenn Andreu eru ein vinsælasta blússveit landsins enda er forsprakkinn, Andrea Gylfadóttir, ein besta og virtasta söngkona þjóðarinnar.Blúsmenn Andreu koma fram á 5 ára afmælishátíð á Skírdag

 Andrea Gylfadóttir nam sellóleik í Tónlistarskóla Akraness, Tónlistarskóla Reykjavíkur, Tónlistarskóla Garðabæjar og einnig í einkatímum. Hún stundaði söngnám í Söngskóla Reykjavíkur á árunum 1985 til 1987 og tók þaðan burtfararpróf árið 1987. Plöturnar sem hún hefur sungið inná tugum, hvort heldur sem einstaklingur undir eigin nafni eða með þeim hljómsveitum sem hún hefur starfað með, en þær eru ornar nokkrarí gegnum tíðina eins og Grafík, Vinir Dóra,
Blúsmenn Andreu, Borgardætur, Todmobile, Tweety og ýmsar jazzhljómsveitir.

Krister Palais Hann kveðst vera sænskur flækingur og víst er að margt hefur drifið á daga hans. Hann fékk leið á að heita bara Palle Paulsson, og tók sér listamannsnafnið Krister Palais . Krister spilaði á bassa í nokkrum vinsælustu dægurlagahljómsveitum Svía á sjöunda áratugnum. Ferðaþráin dró hann til Parísar árið 1966, þar sem hann upplifði stúdentabyltingu og spilaði box, þar til hann sneir aftur heim til Svíþjóðar áratug síðar. Þá tók hann sér bassann aftur í hönd og fór fyrir alvöru að spila blús, meðal annars með hljómsveitunum Peoples People, Midnight Express og Berkely Caesar. Flökkueðlið lét enn á sér kræla og Krister kom sér fyrir í Saharaeyðimörkinni og lagðist í flakk með Túaregum, frumbyggjum eyðimerkurinnar í suður Alsír. Þaðan lá leiðin til Gotlands, þar sem blúsþráðurinn var tekinn upp að nýju, en þegar dóttir hans í Haugasundi í Noregi eignaðist barn, fannst afanum réttara að flytja til Noregs til að geta verið nærri afabarninu. Í Noregi starfaði Krister Palais í níu ár sem útvarpsmaður og greinahöfundur fyrir blústímarit, meðal annars fyrir Jefferson Blues Magazine. Á þeim vettvangi hefur hann tekið viðtöl við stjörnur á borð við Buddy Guy, Luther Allison, Otis Rush, Ike Turner, Deitru Farr, Ronnie Baker Brooks, Wilson Pickett, Johnnie Johnson, Billy Boy Arnold, Magic Slim, Jimmy Dawkins, Solomon Burke, Bernard Allison og Peter Green. Kynni hans af bestu vinkonu Blúshátíðar í Reykjavík, Deitru Farr, fyrir tilstilli Blúshátíðar í Reykjavík, kveikti ást, sem innsigluð var með brúðkaupi nú um áramótin. Hann leikur með Broken Boots í Noregi.

Bláir skuggar

Bláir skuggar, kvartett saxófónleikarans Sigurðar Flosasonar, kemur fram á Blúshátíð Reykjavíkur miðvikudaginn 19. Mars. Tónleikarnir verða útgáfutónleikar annars geisladisks kvartettsins, en hann hefur hlotið titilinn Blátt ljós .  Fyrri diskur hlómsveitarinnar heitir Bláir skuggar og kom hann út í september sl og fékk frábærar viðtökur. Það er heiður fyrir Blúshátíð að fá þessar goðsagnir til að koma fram .
Meðleikarar Sigurðar eru úr framvarðasveit elstu starfandi kynslóðar íslenskra jazztónlistarmanna; Þórir Baldursson á Hammond orgel, Jón Páll Bjarnason á gítar og Pétur Östlund á trommur.  Tónlistin er öll eftir Sigurð, skrifuð sérstakelga fyrir þennan kvartett.  Hún byggir á blöndun jazz- og blústónlistar í ýmsum og ólíkum hlutföllum. Stílinn mætti e.t.v. kalla íslenska útvíkkun á jazzstíl sem menn á borð  við Jimmy Smith,  Art Blakey, Horace Silver, Stanley Turrentine, o.fl. lögðu upp í kring um 1960; lifandi og skemmtilegt, blúsað og fjörugt. Blúsformið í jazztónlist er tekið til athugunar og út koma bæði blúsar sem hljóma eins og eitthvað allt annað og lög sem hljóma eins og blús en eru það ekki.

“Geggjað stuð”   (Bláir skuggar á Múlanum)
Vernharður Linnet, Mbl 12.6.  ‘07

“Það er stórkostlegt hversu vel hefur tekist að gæða blúsaða  tónlist Sigurðar Flosasonar lífi á skífuni Bláum skuggum.  Það er engu  líkara en hljóðverið sé fullt af fólki, en kannski þurfa snillingar ens og  þeir sem Sigurður hefur kallað til leiks enga áheyrendur til að fremja  galdurinn – aðeins hvern annan Jón Páll Bjarnason er ásamt Gunnari heitnum Ormslev konungur íslensks nútímadjass og Þórir Baldursson er "grúvið" sjálft í öllum sínum margbreytilega hita. Pétur Östlund er svo hrynkóngurinn mikli og Sigurður einn hinna fremstu af kynslóðinni er kom til sögunnar á Íslandi um 1980 er fyrrnefndir þremenningar voru allir hljómlistarmenn erlendis. ...

 Fyrri diskur hlómsveitarinnar heitir Bláir skuggar .Ómetanleg skífa fyrir alla sem gaman hafa af melódískum djassi, heillandi blús og hugmyndaríkum spuna. Það þarf ekki alltaf að vera að finna upp hjólið og á þessari skífu er það fyrst og fremst hljóðfæraleikurinn sem snertir hjartað....Hiklaust fjögurra og hálfrarstjörnu skífa  fyrir spilamennskuna og stemmninguna – og hækkum upp í fimm.”
Vernharður  Linnet, Mbl  21.9'07

KK. Blúsfélag Reykjavíkur  gerði KK, Kristján Kristjánsson  að heiðursfélaga , við setningu Blúshátíðar í Reykjavík 2007 á Nordica Hotel, KK hefur árum saman verið í fararbroddi í blústónlist á Íslandi, Nýlega gaf hann út plötuna Blús, sem hlaut einróma lof gagnrýnenda. www.kk.is

 

Gítargoðsögnin Björgvin Gíslason var gerður að heiðursfélaga Blúsfélags Reykjavíkur á Blúshátíð 2005 Björgvin lagðist í blúsvíking til Missisippi á áttunda áratugnum og lék um tíma með blúsgoðsögninni Clarance “Gatemouth” Brown sem lést nýlega.Eftir að Björgvin Gíslason hóf feril sinn sem gítarleikari í unglingahljómsveitinni Zoo hefur leið hans legið með hverju vinsældarbandinu á eftir öðru og um tíma var varla gefin út hljómplata hér á landi án þess að Björgvin kæmi ekki þar að sem gítarleikari enda um langt árabil verið einn fremsti snillingur landsins á það hljóðfæri. Hljómsveitir eins og Pops, Náttúra, Pelican, Póker og Paradís voru hans annað heimili meðan frægðarsól þeirra skein hvað skærast. Nú síðast fer hann á kostum með Mugison á Mugibúgí og neðanvatnssveitinni Vöðlunum . Björgvin leikur á Blúshátíð með Margréti Guðrúnardóttir og bandinu hans pabba þríðjudaginn 18. Björgvin var sjálfkjörinn í fyrstu útgáfu af The Nordic All Stars Blues Band sem kemur fram í fyrsta sinn miðvikudagskvöldið 19.3. Hann ætlar síðar að djamma með KK og fleirum á 5 ára afmælishátíð á skírdag

Vinir Dóra hafa verið í fararbroddi blústónlistar á Íslandi síðan þeir hituðu upp fyrir John Mayall árið 1989 og hafa haldið hundruð tónleika boðið upp á blús eins og hann gerist bestur.Halldór Bragson er listrænn stjórnandi Blúshátíðar í Reykjavík og formaður Blúsfélags Reykjavíkur. Guðmundur Pétursson er einn besti gítarleikari á Íslandi og það er hrein unun að heyra hann í því sem hann er bestur; að spila blús með Vinunum.Ágeir Óskars á trommum. Ásgeir hefur komið víða við. Hann hefur leikið með mörgum bestu hljómsveitum landsins, þar á meðal Rifsberja, Eik, Pelikan,Póker, Stuðmönnum, Hinum íslenska þursaflokki og Vinum Dóra.Jón Ólafsson er á bassa. "Kletturinn" er Jón oft kallaður. Hann byrjaði ferilin í Töturum,Pelikan Start og fleiri sveitum.Vinir Dóra gengu hefbundna blúsbraut lærðu af þeim bestu og halda áfram að bera þann kyndil blússins áfram inní framtíðina og miðla tónlist sinni.Tónleikar Vinana eru sveipaðir goðsagnakenndum ljóma blúsunnenda en aldrei er vitað fyrirfram hverju tónleikagestir þeirra eiga von á á tónleikum þeirra, örugglega ein besta tónleikasveit á landinu og þó víðar væri leitað. Vinir Dóra hljóðrituðu disk með blúsgoðsögninni Pinetop Perkins 1993, en hann fékk í 2006 Grammy verðlaun fyrir framlag sitt til tónlistar, „Lifetime Achievement Award“ .Pinetop er guðfaðir Vina Dóra í blúsnum. Þess má geta að Pinetop þykir diskurinn með Vinunum sín besta plata og kaupir hann af útgefanda í Chicago eintök til að selja á tónleikaferðum. Diskurinn Pinetop Perkins with the Blue Ice Band featuring Chicago Beau er enn á lista í  öðru sæti eftir 12 ár á www.cdmojo.com og orðin cult plata  seld á 80$ notuð. 

Norska blúsdúóið Jolly Jumper & Big Moe sækir nú Blúshátíð í Reykjavík í annað sinn. Þeir félagar sækja sinn stíl í hefðina, eins og hún var á fyrri hluta síðustu aldar og leika á gítar og munnhörpu.www.jollyjumperandbigmoe.com/

The Ambassador of Hell

This year's 2001 Ambassador of Hell prize is awarded to two persons. They have earned the award by promoting “Hell” in a highly positive and favorable way internationally. No one can accuse these two gentlemen of being tongue tied, but it's through their music that they have promoted Hell, and made this place known far across the borders of Norway.These two well grown gentlemen are no other than Kjell Inge Brovoll and Jan Erik Moe, alias Jolly Jumper & Big Moe!

Þá verður sá viðburður einnig á Blúshátíð nú að The Nordic All Stars Blues Band kemur fram í fyrsta sinn, en það er skipað úrvali norræna blúsmanna. Nordic all star's blues band•KK, Björgvin Gíslason, Pétur Östlund, Krister Palais , Jolly Jumper & Big Moe frá Hell í Noregi, og fl .........Einvaldur stjörnubandsins er Halldór Bragason.

 

the Riot

Hljómsveitin var stofnuð 2006 af þeim Birni Thoroddsen og Halldóri Bragasyni. Hlutverk hljómsveitarinnar sé þó að gera uppreisn gegn formunum, eins og nafn hennar gefur til kynna. Riot eru í uppreisn gegn rokki, djassi og blús og "reglur" þessara stefna eru sniðgengnar bæði með- og ómeðvitað en í Riot eru margverðlaunaðir þekktir einstaklingar úr íslensku tónlistarlífi Björn Thoroddsen, Halldór Bragason, Ásgeir Óskarsson, og Jón Rafnsson. Hljómsveitini hefur verið frábærlega tekið á öllum þeim tónleikum sem hún hefur komið fram á. James Carter lék með Riot á Jasshátíð Austurlands s.l sumar ásamt blúsdrottningunni Deitru Farr. Riot eru ásamt Deitra Farr, Borgardætrum , Tena Palmer og Eyþóri Gunnarssyni á Sálmatónleikum kl 20 á Föstudaginn langa. Staður Fríkirkjan í Reykjavík.

Borgardætur
Andrea Gylfadóttir, Ellen Kristjánsdóttir, Berglind Björk þessar sönggyðjur er óþarft að kynna en listfengi og fallegur söngur hafa yljað landanum um árabil. Nú ætla þær að sýna á sér nýja hlið í negrasálmum á tónleikunum á Föstudaginn langa ásamt Eyþóri Gunnarssyni píanóleikara og Riot.

Tena Palmer kemur frá Kanada hún kemur fram með hljómsveitini Gras og syngur einnig á sálmatónleikum í kl 20 á föstudaginn langa í Fríkirkjunnií Reykjavík.Hún kenndi um tíma söng í FÍH skólanum. info hér

 

 

Bergþór Smári hefur spilað blús vítt og breitt um landið síðustu ár, bæði með hljómsveitinni Mood og öðrum listamönnum. Hann hefur spilað inn á ótal plötur en hyggst gefa út sólóplötu með eigin efni á næstu mánuðum.

 

Klassart í meistaraflokk KLASSART er splunkuný hljómsveit úr Sandgerði sem samanstendur af systkinunum Smára og Fríðu Guðmundsbörnum. Það er fremur sjaldgæft að hljómsveitir á Íslandi innihaldi systkini og eftirtektarvert fyrir vikið. Klassart hljómar nefnilega á þessari fyrstu plötu sinni eins og sveit sem er búin að vera að gefa út plötur í áratug og búin að finna, móta og meitla tónlist sína og stíl. Lögin og textarnir eru í flestum tilvikum samvinna systkinanna og gengur sú samvinna í alla staði upp, því textarnir eru í senn afslappaðir, dularfullir og tregablandnir; eitthvað sem á afskaplega vel við blúsaða tónlistina.Það er yndislegt þegar jafn-hæfileikaríkt fólk og hér er á ferð stimplar sig inn í meistaraflokk með svona góðri plötu ......úr umsögn í Morgunblaðinu

Esther og Ræsisrotturnar skipað af frábærum tónlistarmönnum með góðan feril í pokahorninu.þeir spila pungmikinn kvennrembublues. Ferill þessara sveitar er nýhafinn hann hófst á Janis Joplin Tribute tónleikunum á Organ 19 jan sl.
Kristinn Trommari og Esther hafa spilað saman áður í Blúsbandinu Rótum sem komu fram á ýmsum bluesviðburðum víðsvegar um landið frá árunum 1993-95. Hann er fyrrum Hjálmur og núverandi Baggalútur Esther hefur einnig verið að syngja með hinum og þessum þar helst Hjálmum og á hinum og þessum viðburðum um landið.
Bræðurna Börk og Daða þarf vart að kynna hinir gömlu fönkhundar úr Jagúar, Daði er nú tónlistarstjóri hins geisivinsæla söngleiks Jesus Christ Superstar , Börkur í ýmsum verkefnum. Ingi bassaleikari er stórkostlegur útskrifaður úr Paul MacCartney skólanum í Liverpool og fyrrum meðlimur í Pornopopp

Jón Meyvant & Blúsþrjótarnir

Sveitin var stofnuð 2001 og hefur spilað við mörg tilefni síðan. Spiluðu reglulega á Celtic Cross 2002-2003. Spila alltaf á Menningarnótt. Spila á blúskvöldum á Gauk á Stöng, Fógetanum, Kaffi Reykjavík. Græna Hattinum, Ljósanótt, Ólafsfirði, Börnetheatret Kristjaniu ofl ofl staðir. Þetta hefur verið blús samfélag og menn hafa komið og farið. Síðast þá voru Örn Arnarson gítar, Guðmundur Pálsson bassi, Þorvaldur Þorvaldsson trommur og Kristinn Ólafsson söngur og gítar

Ferlegheit frá Akranesi . þeir spila frumsamin lög í bland við góð “cover” lög. spiluðu t.d. á síðustu blúshátíð á Domo og þá spiluðu þeir bara frumsamin lög. En allavega þessi hljómsveit 2 og hálfs árs gömul og hafa verið virkir í sirca 1 og hálft ár. þeir eru búinir að vera nokkuð duglegir á síðasta ári og náðu að spila 30 tónleika á síðasta ári. Við höfum t.d. deilt tónleikum með Blúsmönnum Andreu í bíóhöllinni á Akranesi, Tónleika með KK, 23 des síðastliðinn og þá komust færri að en vildu. . www.myspace.com/ferlegheit

 

Margrét Guðrúnardóttir og bandið hans pabba . Þetta á eftir að koma á óvart en þarna stígur á stokk ung sönkona með eigið efni Margrét er 23 ára tónlistarnemi í FÍH, leggur þar stund á jazz-pianó nám. Lögin hennar eru frekar blúsuð en þó með popp ívafi. Stórsveitina hans pabba skipa: Ásgeir Óskarsson trommur, Tómas Tómasson bassi, Björgvin Gíslason gítar . Hver er pabbi? www.myspace.com/margretgudrunar

 

 

 

BLÚSHÁTÍÐ Í REYKJAVÍK 2008 dagskrá

 

BLÚSHÁTÍÐ Í REYKJAVÍK 2008

Ýtarleg dagskrá hér

Miðarnir renna út eins og lummurnar hennar ömmu, tryggið ykkur miða.

kaupa miða

 

Blúshátíð í Reykjavík 2008

18. – 21. mars

Þriðjudagur 18. mars

 Hilton Nordica Hotel kl. 17, setning í samstarfi við Rás 2

• Blúslistamaður heiðraður

• Blúsdjamm

 

Stórtónleikar á Hilton Nordica Hotel kl 20  

• Magic Slim and the Teardrops frá Bandaríkjunum

•Jolly Jumper & Big Moe frá Noregi

• og fl

 

Klúbbur Blúshátíðar á Rúbín frá kl 22  

• Blúsjamm nánar síðar

• Ungir og upprennandi blúslistamenn

 

 Miðvikudagur 19. mars

 Stórtónleikar á Hilton Nordica Hotel kl 20

  • The Yardbirds

• Nordic all star's blues band• Krister Palais  , Jolly Jumper & Big Moe frá Noregi,  og fl  . 

• Bláir Skuggar: Sigurður Flosason, Þórir Baldursson , Jón Páll Bjarnason ,Pétur Östlund .

 

Klúbbur Blúshátíðar á Rúbín frá kl 22

 • Blúsjamm nánar síðar

Ungir og upprennandi blúslistamenn

 

 Skírdagur 20. mars

Stórtónleikar á Hilton Nordica Hotel kl 20

5 ára afmælishátíð.

Allir bestu í 5 ár Deitra Farr, Vinir Dóra, KK, Blúsmenn Andreu, Maggi Eiríks, Björgvin Gíslason, Bergþór Smári og fl.

• Tena Palmer frá Kanada & Gras

• Ungir og upprennandi blúslistamenn

 

Klúbbur Blúshátíðar á Rúbín frá kl 22  

• 5 ára afmælishátíð og blúsjamm nánar síðar.

Ungir og upprennandi blúslistamenn og fl.

 

 Föstudagurinn langi 21. mars

• Sálmatónleikar kl 20 Fríkirkjan í Reykjavík

Deitra Farr, Borgardætur • & Riot, Tena Palmer

og fl.

 

BLÚSHÁTÍÐ Í REYKJAVÍK 2008

 

Blúshátíð í Reykjavík 2008

18. – 21. mars

Dagskrá Blúshátíðar í Reykjavík sem fram fer í dymbilviku, hefur aldrei verið jafn glæsileg og nú, þegar hátíðin fagnar fimm ára afmæli sínu. The Yardbirds, hljómsveitin sem kalla má vöggu bresku blúsbylgjunnar, kemur; Magic Slim lifandi blúsgoðsögn frá Chicago kemur einnig með hljómsveit sína, The Teardrops. Deitra Farr, blúsdrottning frá Chicago heiðrar Blúshátíð enn með nærveru sinni, og Bláir skuggar, blúsaða djassbandið þeirra Sigurðar Flosasonar, Jóns Páls Bjarnasonar, Þóris Baldurssonar og Péturs Östlund leikur í fyrsta sinn á hátíðinni. Það gera líka blúsmennirnir í Nordic All Stars Blues Band. Jolly Jumper og Big Moe koma í annað sinn á hátíðina og Vinir Dóra láta sig ekki vanta.

Í tilefni af afmæli hátíðarinnar koma fram allir heiðursfélagar Blúsfélags Reykjavíkur  frá upphafi, Magnús Eiríksson, Björgvin Gíslason, Andrea Gylfadóttir og KK. Tónleikar verða kl. 20 þriðjudag, miðvikudag og fimmtudag á Hotel Hilton Nordica; Klúbbur Blúshátíðar verður sömu kvöld kl. 22 í stórglæsilegum sal Rúbín í Öskjuhlíð, og þakkargjörð verður sungin í sálmum, gospel og blús í Fríkirkjunni í Reykjavík á föstudaginn langa kl.  20 .

 

Fréttir á www.blues.is miðasala www.midi.is

Amerísk þjóðargersemi á Blúshátíð

 Mogginn var á undan blúsblogginu með þessa frétt, en hér kemur hún fyrir þá sem ekki sáu hana þar:

Blúshetjan Magic Slim heldur tónleika hér á landi með hljómsveit sinni The Teardrops

„ÞESSI maður er algjört sjarmatröll og amerísk þjóðargersemi,“ segir Halldór Bragason listrænn stjórnandi Blúshátíðar í Reykjavík um Magic Slim sem verður gestur hátíðarinnar sem fram fer dagana 18.-21. mars. Þessi heimsþekkti blúsmaður kemur hingað frá Chicago með hljómsveit sína, The Teardrops. Að sögn Halldórs verða tónleikar Magic Slim á Hotel Hilton Nordica á opnunarkvöldi hátíðarinnar, 18. mars, en fjöldi annarra tónleika verður á hátíðinni sem nú fagnar fimm ára afmæli sínu.

Öfugt við tónlistarmenn sem öðlast frægð og frama í skyndi, og dala svo; hefur ferill Magic Slim verið rísandi sigurganga, og margar af bestu plötum hans hafa komið út á síðustu árum. Hann er nánast „áskrifandi“ að tilnefningum til W.C Handy-blúsverðlaunanna sem eru þau stærstu og virtustu í blúsheiminum. Sem dæmi má nefna að árið 2003 voru Magic Slim og The Teardrops kosnir Blúsband ársins, og Magic Slim var á því tilnefndur til sömu verðlauna í fimm flokkum: Besti blússkemmtikraftur ársins, Besta blúsband ársins (verðlaunin sem hann hlaut), Besti gítarleikari ársins, Besta þjóðlega blúsplata ársins og Besti þjóðlegi blúslistamaður ársins.

Magic Slim og hljómsveitin hans hafa verið tilnefnd sem besta hljómsveit ársins síðan þetta var árið 2004, 2005, 2006 og 2007, og oft í fleiri flokkum líka.

Magic Slim hefur haft gríðarleg áhrif á samtíma sinn og yngri tónlistarmenn líta upp til þessa gamla snillings, sem nú stendur á sjötugu. Árið 1994 óskaði Eddie Vedder, söngvari Pearl Jam, sérstaklega eftir því að Magic Slim og Tárin yrðu opnunarband á stórum tónleikum þeirra í New Regal Theater í Chicago.

Nýjasta plata Magic Slim, Anything can Happen, gefin út á CD og DVD hjá Blind Pig-útgáfunni, hefur fengið rífandi góða dóma. Í hljómsveitinni eru auk meistarans Chris Biedron bassaleikari, John McDonald gítarleikari og bassaleikarinn Vernal Taylor, sem varð þekktur í spilamennsku með Junior Wells.

Magic Slim sjálfur er einn af lifandi goðsögnum Chicago-blúsins, með djúpar rætur í suðrinu. Hann fæddist í Mississippi 1937, lærði á píanó, en varð að hætta þegar hann missti fingur við bómullartínslu, barn að aldri. Þá sneri hann sér að gítarnum og fór að spila blús. Um tvítugt fetaði hann í fótspor margra fátækra suðurríkjamanna og fór til Chicago. Hann reyndi að koma sér á framfæri í blúsborginni nýju, en þótti ekki nógu góður. Hann fór aftur suður, staðráðinn í að finna sinn eigin tón í rótum tónlistarinnar. Tíu árum síðar, árið 1965, sneri hann aftur til Chicago með hljómsveit sína, The Teardrops, og nú voru móttökurnar allt aðrar og betri.

Magic Slim and The Teardrops urðu á fáum árum eitt af heitustu böndunum í blúsnum, og gáfu út hverja plötuna á fætur annarri. Þegar annar gítarleikari bandsins, John Primer, hætti til að gefa sig að eigin sólóferli, spáðu ýmsir því að dagar Magic Slims og Teardrops væru á enda, því sándið í bandinu myndi ekki jafna sig eftir brotthvarf Primers. Raunin varð önnur og margar bestu plötur þeirra hafa komið út síðasta áratuginn.

Það þarf ekki að fjölyrða um það að koma Magic Slim and The Teardrops á Blúshátíð í Reykjavík er einn af hápunktum hátíðarinnar frá upphafi og um leið stórviðburður í sögu blústónlistarinnar á Íslandi.

Eftir Bergþóru Jónsdóttur

[e-mail]

Gengið í björg

"Ég fæ  hroll aftan í hálsinn og upp í hnakka," sagði daman á barnum á Jólablús Vina Dóra í gærkvöldi.  Hún lýsti þessu vel.  Stemmningin var ótrúleg, Vinirnir í sínu allra besta formi, og gestirnir, KK og Björgvin Gíslason alveg svakalega góðir.  Það var líka heillandi að ganga inn í þennan sal, Rúbín í Öskjuhlíðinni, eins og að ganga í björg til fundar við álfakónginn, töfrana, gullið hans og láta heillast - verða ekki samur aftur.  Þannig spiluðu Vinir Dóra líka. Tónlistin var fjársjóðurinn sem stirndi á undir bláu berginu og kristalsljósunum.  Þeir voru þéttir, hurfu gjörsamlega inn í tónlistina sjálfir og urðu eitt með henni, grúvið rosalegt og erfitt að hemja sig í sætinu. 

Eric Clapton átti ekkert í Hand Jive-ið hjá þeim, og If you love somebody....  mmmm þar kom unaðshrollurinn sem bardaman talaði um. I ain't got you var magnað og tryllt stuð í Shake your Moneymaker....  og svona væri lengi hægt að telja. 

 Nú geta jólin komið. Þetta var fullkomið niðurlag á langri og strangri vinnuviku fyrir jól, það slaknaði á öllu, slökknaði á stressinu og eftir sat tóm hamingja og gleði, tónlist og unaður.

Oh yeah...

Gleðileg jól.

p.s. myndir og tóndæmi á blogginu hjá Júlíusi Valssyni

http://juliusvalsson.blog.is/blog/juliusvalsson/entry/397562/

Ike Turner látinn

Ike Turner sem trúlegast var hvað þekktastur fyrir samstarf sitt og hjónaband með söngkonunni Tinu Turner, lést á heimili sínu í San Diego í Kalíforníu,  76 ára að aldri. Dánarorsök er ekki ljós.

RIP

Fyrirgefðu okkur þú varst sannur frumherji

Vinir Dóra & KK , Björgvin Gíslason & fl. Jólablús

 Föstudaginn  21 . desember, kl. 21  á  Rúbín  Öskjuhlíð , 

gengið inn í björgin við hliðina á Keiluhöllinni Borðapantanir www.rubin.is 

   

Í

 miðjum erli aðventunnar, bjóða Vinir Dóra upp á tækifæri til að slaka á, njóta og hlusta á lifandi blús  Í blúsnum býr treginn, ómur af svita og tárum, en líka gleðin og hamingja þeirra sem rísa úr fjötrum og fjárhúsum heimsins til frelsis og birtu.  Blúsinn er óðurinn til lífsins.

J

ólablús Vina Dóra verða öðru vísi aðventutónleikar, og gestir þeirra á tónleikunum eru :   KK, Björgvin Gíslason gítarleikari  og fleiri

V

inirnir eru sem fyrr:  Halldór Bragason gítarleikari  og söngvari , Guðmundur Pétursson gítarleikari, Ásgeir Óskarsson gítarleikari og Jón Ólafsson bassaleikari.

Þ

essir tónleikar eru einstakt tækifæri til að hvíla sig á veraldlegu amstri aðventunnar, og hlusta á bestu blústónlistarmenn landsins miðla sínum bestu gjöfum.    

nánar á www.blues.is