Zora

zzz.... zzzz.......  zefur enn zzzzzzz!

Klikkað sánd!

Ronnie er að sándtékka og sándið er GEÐVEIKISLEGA GOTT!!!!!  Nordica nötrar af blús og stemmingin í salnum algjört dúndur, þótt enn séu meir en fimm tímar í tónleika.  Trommarinn hans, Jerry Porter er goðsögn í blúsnum, kom hingað árið 1986 með Buddy Guy og Junior Wells.  Hann er meiriháttar snillingur!

Blúshátíð í dag

Miðvikudagur 4.apríl

Stórtónleikar á Nordica Hotel kl 20 - Kraftar alheimsins

• Ronnie Baker Brooks og hljómsveit frá Bandaríkjunum

• Kentár 25 ára afmæli

• Ungir og upprennandi blúslistamenn

Klúbbur Blúshátíðar á Domo frá kl 22

• 25 ára afmælishátíð Kentár og blúsjamm

• Ungir og upprennandi blúslistamenn

 

Það eru enn til miðar!!!!!!!

Torkennilegir hljóðabelgir

Það þurfti leitarsveitir á fleira en Zoru.  Þrjár töskur í eigu Ronnie Baker Brooks skiluðu sér ekki úr flugi í gærmorgun.  Það þurfti byssumann úr röðum blúsfólks til að hafa upp á þeim.  "Þú ferð nú ekki langt með þessa!" sagði tollmennið drjúgt með sig þegar Jói var búinn að hirða tvær töskur úr leynihirslum þeirra og mundaði sig við að taka þá þriðju og síðustu.  "Við þurfum sko að rannsaka þetta betur!"  Ójá, þeim fannst hljóðfæri ameríska blúsmannsins í meira lagi torkennileg og ætla að skoða þau betur áður en þau fást afgreidd úr tolli.

Blúshátíð tollvarða verður auglýst síðar.

Léttir

Zora Young er fundin og lent á Íslandi, og sefur svefni hinna réttlátu á Nordica eftir flugævintýrin.

Fór Zora til Bora Bora?

Zora, hvar ertu?

Lost in space? Í losti og speisuð? Galdrakonan kom ekki út úr flugvélinni sinni í morgun. Ó boj, ó boj, kom á daginn að ms. Young "gleymdi" farseðlinum heima þegar hún lagði af stað til Íslands.  Er hún díva?  Fer ekki á milli mála.

Nú er það spurning hver kemur út úr næstu flugvél frá Ameríku.

Auðvitað kemur hún.

... eða hvað...

jú, fjandakornið, það hlýtur að vera.

ég er nokkuð viss. 

 

 

Hoodoo & Hoochie Coochie

Þeir mættu báðir á fyrsta kvöldi Blúshátíðarinnar og margir fleiri - stýfðir, stoltir, lúbarðir og lukkulegir.  Ég er auðvitað að tala um karakterana í blúsnum, persónur og leikendur.  Best að segja eins og er: Fyrsta kvöldið var frábært.  Ungliðarnir byrjuðu á Nordica; nojararnir Jolly Jumper og Big Moe, spiluðu nokkur lög, KK og Frakkarnir spændu allt upp í stuði og blúsdrottningin Andrea geislaði eins og krúnudjásn kvöldsin.  Djö... hvað hún var mögnuð.

Það fór auðvitað ýmislegt úr böndunum í þessari taumlausu gleði, það var einfaldlega svo gaman. Ekki hægt að stoppa. 

 Klúbburinn á Domo byrjaði þess vegna ekki fyrr en eftir auglýstan tíma.  Þeir sem höfðu ekki verið á Nordica og höfðu beðið á Domo frá tíu hefðu kannski haft ástæðu til að kvarta, ef ekki hefði það gerst að aðalgestur hátíðarinnar, Ronnie Baker Brooks, stigi upp á svið á eftir ungliða kvöldsins, og bara byrjað.  Ótrúlega góður gæi.  Þetta var samt allt á stilltu nótunum, þar til Jóhann Hjörleifsson Blúsmaður Andreu reif upp stuðið og keyrði allt í botn með samtíningi af hljóðfæraleikurum: bassaleikara RBB, Dóra Braga og Gumma P og RBB sjálfum.  Þegar allir héldu að allt væri að verða búið, kallaði hann í Andreu sem toppaði í annað skipti á kvöldinu.

Heitt, heitt, heitt, og myljandi fjör. 

Blúshátíð hafin - KK Blúsmaður ársins

 Blúsfélag Reykjavíkur sæmdi í dag tónlistarmanninn KK, Kristján Kristjánsson Blúsmann ársins, við setningu Blúshátíðar í Reykjavík 2007 á Nordica Hotel, en Blúsfélgaið er systurfélag Blúshátíðarinnar.KK hefur árum saman verið í fararbroddi í blústónlist á Íslandi, og sló í gegn með tónlist sinni í uppfærslu Leikfélags Reykjavíkur á Þrúgum reiðinnar eftir John Steinbeck á sínum tíma.  KK hefur gefið út fjölmargar plötur með tónlist sinni og annarra á liðnum árum og átt í farsælu samstarfi við aðra listamenn, einkum Magnús Eiríksson, og systur sína Ellen Kristjánsdóttur. Fyrir tveim árum lék KK á Blúshátíð í Reykjavík með Svíþjóðarbandi sínu, The Grinders við mikinn fögnuð. Á síðasta ári gaf hann út plötuna Blús, sem hlaut  einróma lof gagnrýnenda.  KK kemur fram á Blúshátíð í ár.Blúshátíð í Reykjavík er nú haldin í fjórða sinn, en þeir sem áður hafa hlotið þessa heiðursnafnbót eru Magnús Eiríksson (2004), Björgvin Gíslason (2005) og Andrea Gylfadóttir (2006).

 

Blúshátíð í dag

Engin örvænting, Blúshátíð i Reykjavík verður sett á Nordica kl. 17 í dag.

Hver verður Blúsmaður ársins?

Blúsmiði, sem gildir á alla tónleikana á Nordica og í Blúsklúbbin á Domo öll kvöld, er líka aðgöngumiði að setningarhátíðinni.

Sjáumst!

Dagskrá Blúshátíðar 2007

 

Þriðjudagur 3. apríl

Setning í samstarfi við Rás 2 á Nordica Hotel kl. 17

• Blúslistamaður heiðraður

• Blúsdjamm

Stórtónleikar á Nordica Hotel kl 20

• KK & Frakkarnir sérstakur gestur Andrea

• Jolly Jumper & Big Moe frá Noregi

• Ungir og upprennandi blúslistamenn

Klúbbur Blúshátíðar á Domo frá kl 22

• Blúsjamm

• Ungir og upprennandi blúslistamenn

 

Miðvikudagur 4.apríl

Stórtónleikar á Nordica Hotel kl 20 - Kraftar alheimsins

• Ronnie Baker Brooks og hljómsveit frá Bandaríkjunum

• Kentár 25 ára afmæli

• Ungir og upprennandi blúslistamenn

Klúbbur Blúshátíðar á Domo frá kl 22

• 25 ára afmælishátíð Kentár og blúsjamm

• Ungir og upprennandi blúslistamenn

 

Skírdagur 5.apríl

Stórtónleikar á Nordica Hotel kl 20

• Zora Young og the Blue Ice band

• Lay Low og hljómsveit Klassart

• Ungir og upprennandi blúslistamenn

Klúbbur Blúshátíðar á Domo frá kl 22

• Ungir og upprennandi blúslistamenn og fl.

 

Föstudagurinn langi 6. apríl

Sálmar og Gospel Fríkirkjan í Reykjavík kl 20

• Zora Young, Andrea Gylfadóttir, KK, Lay Low, Brynhildur Björnsdóttir og Goðsagnir Íslands

Klúbbur Blúshátíðar á Domo frá kl 22

• Lokapartý blúsjamm